ନ ଥାଂତି କେହି ସାଥୀ, ସଖା, ହୁଏନି ଅନ୍ୟ ସହ ଦେଖା, ଏହା ହେଲାଣି ଯୁଗ-ରୁଚି।
କଂପ୍ୟୁଟର୍କୁ କରି ସାଥୀ
ଏବର ଯୁବକ, ଯୁବତୀ
ସର୍ବଦା ଏକାସନେ ବସି
ହେଲେଣି ନିଷ୍କ୍ରିୟ ତପସ୍ବୀ
ଗୋଟେ କାମରେ ରହି ଲାଖି
ସଂସାର ପାରଂତିନି ଦେଖି
ସମୟ ବିକି ବିତ୍ତ, ଧନ
କରଂତି ନିତି ଉପାର୍ଜନ
ଘଂଟା ଦରରେ ମୂଲ ମିଳେ
ସେଇଥିରେ ହିଁ କାମ ଚଳେ
ପ୍ରଭାତୁଁ ସୂର୍ଯାସ୍ତ ପର୍ଯଂତ
ଅନେକେ ରହିଥାଂତି ବ୍ୟସ୍ତ
ଅଫିସ, ଘର ଓ ବଜାର
ଏହା ହିଁ ତାଂକ ପରିସର
କେବେ ବି ନ କରି ଲଂଘନ
ବିତାଂତି ନିର୍ଜନ ଜୀବନ
ଏବେ ତ ସାଂବାଦିକଗଣ
ନ କରି ନଗର ଭ୍ରମଣ
ମନରେ ଖବର ଗଢ଼ଂତି
ତେଣୁ ତ କେହି ନ ପଢ଼ଂତି
ଏକାସନରେ ବସି, ବସି
ଯିଏ ବି ପାଉଥାଂତି ଖୁସି
ତାଂକର ନିତ୍ୟ ଅବଦାନ
ହୋଇପାରେନି ଅର୍ଥପୂର୍ଣ
ନ ଥିଲେ ପ୍ରତ୍ୟକ୍ଷ ସଂପୃକ୍ତି
ଉନ୍ନତ ହୁଅଂତିନି ବ୍ୟକ୍ତି
ଅଯଥା ଶକ୍ତି କଲେ ନାଶ
ହୁଏନି ବାଂଛିତ ବିକାଶ
ନ ଥାଂତି କେହି ସାଥୀ, ସଖା
ହୁଏନି ଅନ୍ୟ ସହ ଦେଖା
ଏହା ହେଲାଣି ଯୁଗ-ରୁଚି
କେହି କି ଆପତ୍ତି କରୁଛି ?
ଖୁବ ସୁନ୍ଦର ନିଚ୍ଛକ ବାସ୍ତବିକତାର ଚିତ୍ର 🙏
ଅତି ସୁନ୍ଦର ଭାବରେ ଆଜିର ବାସ୍ତବିକ ଚିତ୍ରର ବର୍ଣ୍ଣନା ମନକୁ ଛୁଇଁଲା ଭଳି ବର୍ଣ୍ଣିତ।
କଂପ୍ୟୁଟର୍କୁ କରି ସାଥୀ
ଏବର ବୃଦ୍ଧ କର୍ମୀ କିଛି
ସର୍ବଦା ଏକାସନେ ବସି
ମଣନ୍ତି ନିଜକୁ ତପସ୍ୱୀ
କିଛି କାମରେ ରହି ଲାଖି
ସଂସାର ପାରଂତିନି ଦେଖି
ଖଟାଇ ସମୟ, ନ ପାଇ ବିତ୍ତ, ଧନ
କରଂତି ମୁଣ୍ଡ ବ୍ୟଥା ଉପାର୍ଜନ
ଯେଣୁ ଯେ ମୂଲ ନ ମିଳେ
ପବନ ପିଇ କାମ ଚଳେ
ପ୍ରଭାତୁଁ ସୂର୍ଯାସ୍ତ ପର୍ଯଂତ
ଅନେକେ ରହିଥାଂତି ବ୍ୟସ୍ତ
ଘର, ବହି ଓ କମ୍ପ୍ୟୁଟର
ଏହା ହିଁ ତାଂକ ପରିସର
କେବେ ବି ନ କରି ଲଂଘନ
ବିତାଂତି ନିର୍ଜନ ଜୀବନ
ଏକାସନରେ ବସି, ବସି
ଯିଏ ବି ପାଉଥାଂତି ଖୁସି
ତାଂକର ନିତ୍ୟ ଅବଦାନ
(ଜାଣନ୍ତି ନି)
ହୁଏ କି ନାହିଁ ଅର୍ଥପୂର୍ଣ
ଥିଲେ ସେ କମ୍ପ୍ୟୁଟର ସାଥେ
ନ ଥିଲେ ବି କେହି ସାଥୀ, ସଖା
କିଛି କାମ ତ ହେଉଛି
କେହି କି ଆପତ୍ତି କରୁଛି ?